Les mots surlignés font l'objet d'une note
1Reçue à Laval, le 02 octobre 1572.
2Monseigneur, cest moy qui jusques icy ay eu la charge et maniement
3des deniers du païs et le controlleur Lyonne ny faict qu'entrer. De ladvis
4que je vous en donne je le fais sur une votre lettre à messieurs les commis
5dudit paiz quilz mont faict veoir par laquelle jay congnu que vous
6estes en oppinion que si les deniers qui ont estez levez pour le faict de
7la guerre nont esté emploiez aillieurs que par voz ordonnances, il y
8en doibtz ancores avoir en fondz. Je nay plus qu’ung compte à rendre
9aussi hors de paye et dont je suis prest en lannée dudit compte
10et pour tous autres deniers, il ny a à employer audit faict de la
11guerre que Vm VIIIc l[ivres] provenuz de limposition du scel vendu es villes
12de Vienne et Vallence, de laquelle somme il a esté paié par
13voz ordonnances IIIm VIIc l[ivres] t[ournois] aux compaignies des Corses et Julles Centurion.
14Le reste a esté emploié à partie du paiement de VIm l[ivres], faisant
15partie de XXIIIm l[ivres] que le païs doibt au roy pour lannée dernière
16et dont toutesfois il navoit esté levé que XVIIIm l[ivres], ce que je
17vous ay bien vollu certiffier par ceste et supplier de croire et y
18ajouster foy.
19Monseigneur, je me recommande très humblement à votre bonne grace et prie
20le Createur vous donner en santé heureuse très longue vie. De
21grenoble, ce dernier 7bre 1572.
22Votre très humble et hobeyssant
23serviteur
24Prunier
25des deniers que furent levez par
26votre commandement durant la
27guerre, jen ay compte et ny en a
28plus aulcune chose en mes
29mains